बोर्डको सर्वर नखुलेपछि हैरान परीक्षार्थी

राष्ट्रिय परीक्षा बोर्डले कक्षा १२ को नतिजा प्रकाशन गर्नका लागि बोर्ड बैठक बस्नु अगाडिदेखि सर्वरमा आएको समस्या अझै सुल्झिन सकेको छैन ।

बोर्डको बेवसाइट आज बिहानैबाट नखुलेपछि विद्यार्थी तथा अभिभावक चिन्तित भएका छन् ।

नतिजा सार्वजनिक हुनभन्दा अगाडिदेखि नै नखुलेको बेवसाइट अहिलेसम्म नखुल्दा विद्यार्थीहरू आफूहरू मर्कामा परेको गुनासो गर्न थालेका छन् ।

बेवसाइट नखुलेपछि विद्यार्थीहरू विभिन्न अनलाइनलाई आफ्नो नतिजा हेरीदिन सिम्बोल नम्बरसहित आग्रह गरेका छन् ।

यस विषयमा बोर्डमा सम्पर्क गर्न खोज्दा हुन सकेन ।

नतिजा प्राप्त गर्ने तरिका

अहिले  प्रकाशित भएको नतिजा आईभीआर, एसएमएस र युएसएसडी तथा  बेवसाइट मार्फत प्राप्त गर्न सकिने छ ।

परीक्षार्थीहरू तथा अभिभावकले  केही समयपछि आईभीआरका लागि

नेपाल टेलिकमको लेण्ड फोन, मोवाइलबाट १६०१ डायल गरी प्राप्त निर्देशानुसार गर्ने, एसएमएसका लागि मोवाइलको म्यासेज बक्समा NEB<space> <symbol number> टाइप गरी १६०० मा पठाउने । USSD का लागि

नेपाल टेलिकमको Mobile बाट १६००# डायल गरी प्राप्त निर्देशानुसार गर्न सकिने छ ।